വനിതാവേദി കുവൈറ്റ് കേന്ദ്ര സമ്മേളനത്തിന് മുന്നോടിയായി സാൽമിയ യൂണിറ്റ് സമ്മേളനം 18/10/24 വെള്ളിയാഴ്ച വൈകീട്ട് 3:30 മണിക്ക് എം.സി ജോസഫൈൻ നഗറിൽ സംഘടിപ്പിച്ചു. സുഷമ സുന്ദരേശന്റെ അധ്യക്ഷതയിൽ നടന്ന സമ്മേളനത്തിൽ ജോയിന്റ് കൺവീനർ കൃഷ്ണപ്രിയ റ്റി. എസ് സ്വാഗതം അർപ്പിച്ചു. സമ്മേളനം വനിതാവേദി ആക്ടിങ് പ്രസിഡന്റ് ഷിനി റോബർട്ട് ഉദ്ഘാടനം ചെയ്തു. പ്രിയ സോനു അവതരിപ്പിച്ച അനുശോചന കുറിപ്പിന് ശേഷം യൂണിറ്റ് കൺവീനർ സ്വപ്ന ജോർജ് യൂണിറ്റിന്റെ പ്രവർത്തന റിപ്പോർട്ട് അവതരിപ്പിച്ചു. അതിനുശേഷം റിപ്പോർട്ടിന്മേൽ ചർച്ചയും ചർച്ചക്കുള്ള മറുപടി യൂണിറ്റ് കൺവീനറും, കേന്ദ്ര കമ്മിറ്റി മറുപടി വനിതാവേദി സെക്രട്ടറി ആശാലത ബാലകൃഷ്ണനും നൽകി. റിപ്പോർട്ട് സമ്മേളനം അംഗീകരിച്ചു. മറ്റ് കേന്ദ്രകമ്മിറ്റി അംഗങ്ങൾ അഭിവാദ്യങ്ങൾ അർപ്പിച്ചു സംസാരിച്ചു. രജിസ്‌ട്രേഷൻ കമ്മിറ്റിക്കു വേണ്ടി റംഷിഫ പുറത്തോളി, പ്രമേയ കമ്മിറ്റിയിൽ സൂര്യ സുജിത്, ജിനി നാനി, മിനിറ്റ്സ് കമ്മിറ്റിയിൽ ബെറ്റി അഗസ്റ്റിൻ എന്നിവർ പ്രവർത്തിച്ചു. “ഒരു രാജ്യം ഒരു തെരഞ്ഞെടുപ്പ് നടപ്പാക്കാനുള്ള നീക്കത്തിൽ നിന്ന് കേന്ദ്രം പിന്മാറണം”, “കേന്ദ്ര സർക്കാരിന്റെ സാമ്പത്തിക നയം ജനവിരുദ്ധം” എന്നീ വിഷയങ്ങളിൽ പ്രമേയം അവതരിപ്പിക്കുകയും സമ്മേളനം അത് അംഗീകരിക്കുകയും ചെയ്തു പുതിയ ഭാരവാഹി നിർദ്ദേശം ട്രഷറർ അഞ്ജന സജി നിർവഹിച്ചു.
പുതിയ പ്രവർത്തന വർഷത്തെ കൺവീനറായി ദിവ്യ കിരൺ ജോയിന്റ് കൺവീനർമാരായി പ്രിയ സോനു, രസ്ന ആബിദ് എന്നിവരെയും തിരഞ്ഞെടുത്തു. ഭാരവാഹി നിർദ്ദേശം സമ്മേളനം അംഗീകരിച്ചു. പുതിയതായി തിരഞ്ഞെടുത്ത കൺവീനർ ദിവ്യ കിരൺ നന്ദി രേഖപ്പെടുത്തിയതോടു കൂടി സമ്മേളനം അവസാനിച്ചു.