വനിതാവേദി കുവൈറ്റ് കേന്ദ്ര സമ്മേളനത്തിന് മുന്നോടിയായി ഹവല്ലി യൂണിറ്റ് സമ്മേളനം 18/10/24 വെള്ളിയാഴ്ച രാവിലെ 11.00മണിക്ക് സരോജിനിബാലാ നന്ദൻ നഗറിൽ സംഘടിപ്പിച്ചു. ശകുന്തളശിവദാസിന്റെ അധ്യക്ഷതയിൽ നടന്ന സമ്മേളനത്തിൽ സജില സണ്ണി സ്വാഗതം അർപ്പിച്ചു. സമ്മേളനം വനിതാവേദി സെക്രട്ടറി ആശാലത ബാലകൃഷ്ണൻ ഉദ്ഘാടനം ചെയ്തു. ഷൈല ജോർജ് അവതരിപ്പിച്ച അനുശോചന കുറിപ്പിന് ശേഷം യൂണിറ്റ് കൺവീനർ അജിത രാജേഷ് യൂണിറ്റിന്റെ പ്രവർത്തന റിപ്പോർട്ട് അവതരിപ്പിച്ചു. അതിനുശേഷം റിപ്പോർട്ടിന്മേൽ ചർച്ചയും ചർച്ചക്കുള്ള മറുപടി യൂണിറ്റ് കൺവീനറും, കേന്ദ്ര കമ്മിറ്റി മറുപടി വനിതാവേദി സെക്രട്ടറി ആശാലത ബാലകൃഷ്ണനും നൽകി. റിപ്പോർട്ട് സമ്മേളനം അംഗീകരിച്ചു. മറ്റ് കേന്ദ്രകമ്മിറ്റി അംഗങ്ങൾ അഭിവാദ്യങ്ങൾ അർപ്പിച്ചു സംസാരിച്ചു.“”സ്ത്രീ തൊഴിൽഇടങ്ങളിലെസുരക്ഷ,വയനാട്ദുരന്തത്തിൽ കേന്ദ്രസർക്കാർ കേരള സർക്കാരിനോട് അനീതി കാട്ടുന്നു എന്നീ വിഷയങ്ങളിൽ പ്രമേയം അവതരിപ്പിക്കുകയും സമ്മേളനം അത് അംഗീകരിക്കുകയും ചെയ്തു പുതിയ ഭാരവാഹി നിർദ്ദേശം പ്രസിഡന്റ്‌ ഷിനി റോബർട്ട്‌ നിർവഹിച്ചു.
പുതിയ പ്രവർത്തന വർഷത്തെ കൺവീനറായി അജിതരാജേഷ് ജോയിന്റ് കൺവീനർമാരായി ശകുന്തള ശിവദാസ്, ലിസിമാത്യു എന്നിവരെയും തിരഞ്ഞെടുത്തു. ഭാരവാഹി നിർദ്ദേശം സമ്മേളനം അംഗീകരിച്ചു. പുതിയതായി തിരഞ്ഞെടുത്ത കൺവീനർ അജിതരാജേഷ് നന്ദി രേഖപ്പെടുത്തിയതോടു കൂടി സമ്മേളനം അവസാനിച്ചു.